Intacta RR2 PRO®

Sojaboontegnologie wat ’n nuwe weg baan

Wat beteken dit vir jou om meer volhoubaar te boer? Vir ons beteken dit om maniere te vind om meer met minder te groei, om hulpbroneffektiwiteit en die opbrengspotensiaal van jou sojaboongewasse te verbeter. Sojabone word reeds van die begin af deur insekpeste en onkruid bedreig.

Die bekendstelling van INTACTA RR2 PRO^® bring ’n nuwe keuse vir insekbeheer aan boere, met die verhoging van produktiwiteit, effektwiteit en waarde wat lei tot groter en beter kwaliteit opbrengste.

Met Bayer se sojaboontegnologie INTACTA RR2 PRO^®, doen ons baanbrekerswerk en open ons ’n wêreld van moontlikhede vir jou plaas. Hierdie tegnologie verskaf voordele wat help om jou produktiwiteit te verbeter, hulpbronne effektief te gebruik en opbrengspotensiaal ’n hupstoot te gee om meer volhoubaar te boer.

Hoe kan INTACTA RR2 PRO^®-tegnologie jou boerdery baat?

INTACTA RR2 PRO^®-tegnologie bied drie hoofvoordele wat hierdie kombinasie laat uitstaan in die mark:

• BESKERMING teen die hoofpeste wat die sojaboongewasse bedreig soos Afrika-bolwurm (Helicoverpa armigera).
• Verhoogde opbrengspotensiaal deur die herposisionering van die onkruiddoder-biotegnologiese eienskap op die DNS van die sojaboon om OPTIMALE opbrengs te lewer.
• VERBETERDE verdraagsaamheid vir glifosaat-onkruiddoders wat deur Roundup^® Ready 2 (RR2)-tegnologie gebied word.

BESKERMING teen die hoofpeste wat die sojaboongewasse bedreig soos Afrika-bolwurm (Helicoverpa armigera)

Een van die hoofvoordele van Intacta RR2 PRO-tegnologie, is die beskerming teen een van die hoofpeste wat die sojaboongewasse die meeste bedreig – die Afrika-bolwurm. Afrika- bolwurmmotte lê hul eiers op die sojaboonplant. Na 3 – 5 dae broei die eiers uit en maak die wurms hul verskyning. Opbrengsverliese in sojabone vind plaas deurdat die wurms direk aan die sojaboon vreet. Dit kan tot beduidende finansiële verliese lei deurdat die kwantiteit en die kwaliteit van die gewasse negatief beïnvloed word.

Hoe bied INTACTA RR2 PRO-tegnologie beskerming?

• Weerstand teen Afrika-bolwurm word oorgedra deur die Bt-proteïen in INTACTA RR2 PRO-sojabone.
• Die larwes van die Afrika-bolwurm voed op die INTACTA RR2 PRO-sojabone en neem dus die Bt-proteïen in.
• Die oomblik wat dit deur die wurm ingeneem word, los die Bt-proteïen in die hoë pH van die insek se maag op en word dit geaktiveer.
• Hierdie aktiewe Bt-proteïene val die selle van die ingewande aan en veroorsaak perforasies in die maagwand. Dit lei tot die uitvloei van maagsappe wat die osmotiese druk in die maag verander.
• Die larwe hou op vreet en gaan binne 72 uur dood.

Verhoogde opbrengspotensiaal deur die herposisionering van die onkruiddoder-eienskap op die sojaboon-DNS om opbrengs te OPTIMALISEER

INTACTA RR2 PRO^®-tegnologie help boere om hul opbrengspotensiaal te verhoog deurdat dit hul toelaat om meer effektief, volhoubaar en winsgewend te boer. Deur indiepte navorsing op ’n molekulêre vlak, is die Roundup^® Ready 2-geen op ’n spesifieke plek op die sojaboon se DNS geplaas wat ’n positiewe impak op opbrengspotensiaal het.

’n Paar faktore dra by tot hierdie verhoging van opbrengspotensiaal:

• Die hoër opbrengspotensiaal is ’n direkte gevolg van die herposisionering van die glifosaatverdraagsame-eienskap op die DNS van die sojaboon.
• Deur middel van die Bt-geen word beskerming gebied teen die vreetskade wat deur die Afrika-bolwurm aangerig word. Sodoende word geweldige opbrengsverliese verhoed.
• Verhoogde effektiwiteit deur die vermindering in die aantal insekdodertoedienings.

VERBETERDE verdraagsaamheid vir glifosaat-onkruiddoders wat deur Roundup^® Ready 2 (RR2)-tegnologie gebied word

Die verhoogde verdraagsaamheid vir glifosaat is ’n baie belangrike voordeel van INTACTA RR2 PRO^®-sojabone. Hierdie eienskap verseker die gesondheid en groei van jou sojaboongewas, selfs met onkruiddodertoedienings. Die invoeging van hierdie geen laat boere toe om van meet af hul onkruid voortdurend en effektief te beskerm. Dit is noodsaaklik om jou sojaboonlande onkruidvry te hou om kompetisie tussen onkruide wat die sojabone van belangrike voedingstowwe, water en sonlig ontneem, te voorkom.

Hoe werk glifosaat?

Wanneer glifosaat toegedien word, word dit geabsorbeer en beweeg dit deur middel van translokasie deur die plantweefsel. Dit inhibeer die aktwiteit van die ESPS-sintese-ensiem en voorkom dat die plant sekere tipe aminosure produseer wat krities vir plantgroei is. Transgenetiese kulture bevat ‘n eksogene kopie van die geen wat EPSPS-sintase enkodeer, wat voortdurend en teen hoë vlakke die ensiem produseer wat glifosaat inhibeer en is dus verdraagsaam daarteen.

Waarom is dit so belangrik om ’n toevlugsarea te plant?

Die plant van ’n toevlugsarea is ’n belangrike manier om insekweerstandsbestuur toe te pas en om die tegnologie vir die toekoms te beskerm. Die toevlugsarea is ’n gedeelte van die plaas of land waarop die Bt-tegnologie nie geplant is nie. Die rede daarvoor is om te verhoed dat ’n gedeelte van die Afrika-bolwurm-populasie blootgestel word aan hierdie tegnologie. Die doel van dié toevlugsarea is om te verseker dat daar altyd ’n bevolking van Bt-vatbare motte is wat kan paar met Bt-verdraagsame motte (sou hulle in die natuurlike bevolking voorkom). Die resultaat hiervan is ’n bevolking wat vatbaar is vir die Bt-geen.

Die toevlugsarea moet geplant word na gelang van die minimum aanbevelings soos aangedui vir sojabone, d.w.s. 20% van die totale geplante area. ‘n Toevlugsarea moet binne sewe dae geplant word, nadat Intacta RR2 PRO^® geplant is.

Die volgende vereistes word gestel vir die 20% gestruktureerde toevlugsarea wanneer Intacta RR2 PRO^® geplant word

• ’n Maksimum afstand van 400 m moet gehandhaaf word tussen die toevlugsarea en die sojaboonaanplanting.
• Varëiteite van dieselfde groeiklas moet gebruik word.
• Die toediening van Bt-gebaseerde insekdoders in die toevlugsarea word nie aanbeveel nie.
• Die toevlugsarea (nie-Bt) moet op dieselfde plaas en onder dieselfde groeitoestande geplant word as waarin die Intacta RR2 PRO^®-tegnologie geplant is.

Dit is belangrik dat boere voortdurend hul lande monitor en addisionele Geïntegreerde Plaagbeheermeganismes in plek stel om die doeltreffendheid van die eienskap te verseker.